2-room apartment for sale

Сонгинохайрхан дүүрэг Улаанбаатар хотын 9 дүүргийн нэг юм. 43 хороонд хуваагддаг. Хүн ам нь 2008 оны байдлаар 220,295 бөгөөд 1,200.6 км² газар нутагтай. Сонгинохайрхан нь хотын баруун хэсэгт, Сонгинохайрхан уулын бэлд оршдог. Монголын эртний судар бичигт Сонгинохайрхан уулыг ид шидтэй, онгон дархан уул болох тухай сонирхолтой домог яриа бичигдсэн байдаг. Сонгинохайрхан дүүрэг 120,1 га нутаг дэвсгэртэй. Нийслэлийн баруун жигүүрт Баянгол дүүрэг, Төв аймгийн Алтанбулаг, Баянчандмань, Борнуур, Батсүмбэр сумдтай хил залган оршдог. Монгол Улсын нийт хүн амын 11.6 хувь, Нийслэлийн нийт хүн амын 22.8 хувь, орон сууцны хорооллын 27.1 хувь, гэр хорооллын 72.9 хувь тус дүүрэгт байдаг. Засаг захиргааны анхан шатны нэгж 43 хороотой. Орон сууцны 12 хороо, гэр хорооллын 22 хороо, холимог 9 хороо оршдог. Нийт 335.703 хүн амтай бөгөөд 94132 өрхтэй юм. Дүүргийн газар нутгийн 77 хувийг хөдөө аж ахуйн эдэлбэр газар, 20 хувийг ойн сав бүхий газар, 3 хувийг зам шугам сүлжээ, барилгажсан газар тус тус эзэлдэг. Дүүргийн хэмжээнд 83687 толгой малтай. Үүнээс тэмээ 23, үхэр 26764, адуу 13926, хонь 20917, ямаа 22057 толгой малтай байна. Сонгинохайрхан дүүрэгт нийт үйл ажиллагаа явуулж байгаа 25865 аж ахуйн нэгж, байгууллагууд байдаг. Нийслэлийн хүн амын хүнсний хэрэгцээний дийлэнх хувийг хангадаг Улсын хэмжээний томоохон Сүү ХХК, Талх чихэр ХХК, Алтан тариа ХХК, Мах импекс ХХК, Тесо ХХК, Милл хаус ХХК, Арвайн үндэс ХХК зэрэг үйлдвэр, барилгын материалын Хангай зах, тоосгоны үйлдвэр болон хүнс худалдаа, үйлчилгээний 12500 гаруй аж ахуй нэгж, байгууллагууд дүүргийн нутаг дэвсгэрт үйл ажиллагаа явуулж байна.